Mikel Arteta, stjóri Arsenal, er sammála gagnrýni Alexandre Lacazette sem hann lét út úr sér á dögunum.
Lacazette gagnrýndi liðsfélaga sína og spilamennsku liðsins eftir 1-1 jafntefli við Sheffield United.
Arsenal komst yfir í fyrri hálfleik en Sheffield tókst að jafna metin þegar sjö mínútur voru eftir.
Arteta er alveg sammála þessari gagnrýni Lacazette og heimtar bætingu á sínu liði.
,,Já ég er sammála honum. Þetta er hluti af því að þjálfa liðið og skoða hvar við hefðum getað stjórnað leiknum betur,“ sagði Arteta.
