Burnley 2-1 Leicester
0-1 Harvey Barnes(33′)
1-1 Chris Wood(56′)
2-1 Ashley Westwood(79′)
Burnley vann nokkuð óvæntan sigur í ensku úrvalsdeildinni í dag er liðið mætti Leicester City.
Leicester hefur ekki verið upp á sitt besta undanfarið og hafði tapað þremur af síðustu fimm deildarleikjunum.
Gestirnir komust yfir en Ashley Barnes skoraði mark fyrir Leicester á 33. mínútu og var staðan 0-1 í hálfleik.
Á 56. mínútu jafnaði Chris Wood metin fyrir Burnley áður en Leicester fékk dæmda vítaspyrnu.
Á punktinn fór Jamie Vardy en hann klikkaði eftir góða markvörslu Nick Pope.
Það var svo Ashley Westwood sem skoraði síðasta markið í leiknum fyrir Burnley til að tryggja dýrmætan 2-1 heimasigur.
