Pep Guardiola, stjóri Manchester City, segir að Roy Hodgson hljóti að leiðast heima hjá sér þar sem hann er enn að.

Hodgson er 72 ára gamall en hann hefur ekki lagt þjálfarabókina á hilluna og stýrir Crystal Palace í dag.

,,Ég held að þegar þú ert ennþá að þjálfa 72 ára gamall, þá hlýtur þér að leiðast heima hjá þér,“ sagði Guardiola.

,,Þú ert með ungu fólki, íþróttamönnum, samkeppninni og þarft að sanna þig – þess vegna er það gaman, þetta er okkar starf.“

,,Allir leikir eru öðruvísi og það er kannski ástæðan fyrir því að Roy og aðrir eldri stjórar eru enn að.“