Youcef Atal, bakvörður Nice, er orðaður við mörg stórlið í dag en hann hefur spilað vel í Frakklandi.
Chelsea er á meðal þeirra liða sem vilja fá Atal en hann er enn ekki reiðubúinn að yfirgefa franska liðið.
,,Já það, það voru félög sem vildu fá mig á þessum tíma. Að fara á síðasta ári var of snemmt,“ sagði Atal.
,,Jafnvel á þessu tímabili þá einbeiti ég mér að því að eiga aðra góða leiktíð. Já ég get spilað í stóru liði, það er mitt markmið.“
,,Ég er að vinna í því. Það er ekki leikmaður þarna úti sem vill ekki spila fyrir stórlið.“
