Maurizio Sarri, þjálfari Juventus ætlar ekki að fagna því að vera á toppnum þegar Seria A er hálfnuð.

Juventus vann góðan sigur á Roma um helgina en Inter missteig gegn Atalanta, Juventus er því eitt á toppi deildarinnar.

,,Vetrarmeistarar? Eiginkonan mín segir að ég sé alveg sami rasshausinn og áður,“ sagði Sarri léttur í lund, litríkur eins og alltaf.

,,Ég varð tvisvar vetrarmeistari með Napoli en vann aldrei deildina, ég komst að því að það er heimskulegt að skoða svona tölfræði.“

Sarri tók við Juventus í ár eftir eitt tímabil með Chelsea þar sem hann gerði ágætlega.