Hörður Magnússon, fyrrum leikmaður FH, gæti verið að snúa aftur til félagsins samkvæmt nýjustu fregnum.

Mbl.is greinir frá því í dag að Hörður sé mögulega að semja við FH um að taka að sér starf í knattspyrnudeild félagsins.

Saga Harðar hjá FH er löng en hann hefur undanfarin ár gert það gott sem íþróttafréttamaður.

Honum var hins vegar sagt upp störfum á Stöð 2 Sport á síðasta ári, fréttir sem komu mörgum og honum einnig á óvart.

Mbl segir að um nýja stöðu hjá íþróttadeild FH sé að ræða og að Hörður myndi sinna daglegum rekstri og tekjuöflun.

Hvort satt reynist á eftir að koma í ljós en Hörður lék með FH frá árunum 1983 til 2001.