Ed Woodward, varaformaður Manchester United, fær betur borgað en allir aðrir sem sinna sama starfi á Englandi.
Frá þessu greinir the Times en Woodward þénaði 3,2 milljónir punda fyrir sín störf á síðasta ári.
Aðeins einn stjórnarformaður kemst nálægt Woodward og er það Daniel Levy sem er einnig eigandi Tottenham.
Woodward er alls ekki vinsæll á Old Trafford og segja margir að hann sé einfaldlega ekki hæfur í starfi.
Kaup United síðustu ára hafa verið undarleg á köflum og hafa mörg af þeim alls ekki gengið upp.
