Harry Maguire, gæti spilað gegn Norwich í ensku úrvalsdeildinni á morgun. Hann glímir við meiðsli en æfir í dag og sér hvernig líkaminn bregst við.
Maguire meiddist um síðustu helgi í bikarnum gegn Wolves, meiðslin í mjöðm héldu honum frá leiknum gegn Manchester City í vikunni.
,,Hann á möguleika á morgun, ég veit ekki af hverju fjölmiðlar hafa sagt að hann verði lengi frá,“ sagði Ole Gunnar Solskjær í dag.
,,Hann ætlar að æfa í dag og sjá hvernig hann er á morgun, ég er ekki hissa. Hann er stríðsmaður og vill spila. Ef hann er smávægilega meiddur, þá spilar hann.“
Jesse Lingard verður hins vegar ekki með gegn Norwich, hann er aftur orðinn veikur.
