Carlo Ancelotti vill styrkja Everton í janúar, hann vill fá menn inn á miðsvæðið og er sagður vilja fá inn nýjan markvörð.
Ensk blöð segja að Carlo Ancelotti, nýr stjóri félagsins hafi spjallað við Gylfa og sagt honum að hann verði seldur frá félaginu í janúar. Stuðningsmenn Everton eru reiðir eftir tap gegn Liverpool í bikarnum í um helgina, þar sem Liverpool mætti með varalið sitt og vann Everton.
Daily Mail fjallar einnig um málið og segir Gylfa til sölu en greinir einnig frá því að aðrir leikmenn hafi fengið sömu skilaboð. Cenk Tosun, Morgan Schneiderlin, Theo Walcott og Michael Keane landsliðsmaður Englands eru einnig allir sagðir til sölu. Sagt er að Everton vilji safna 140 milljónum punda með því að selja þá.
Þá ku Ancelotti vilja henda Jordan Pickford úr markinu og fá inn Alex Meret. Hann vill einnig fá tvo miðverði.
