Manchester United hefur útilokað það að bjóða í Christian Eriksen, miðjumann Tottenham í janúar. Sky Sports segir frá.
Danski miðjumaðurinn hefur verið orðaður við United en félagið hafði áhuga á að kaupa hann í sumar.
Eriksen er samningslaus í sumar og getur þá farið frítt frá Tottenham, mörg félög horfa til þess að krækja í hann þá.
Eriksen hefur ekki viljað framlengja við Tottenham, hann telur sig eiga skilið betri laun en félagið er tilbúið að borga.
United vantar sóknarsinnaðan miðjumann en Eriksen kemur hið minnsta ekki í janúar.
