Granit Xhaka, leikmaður Arsenal, væri góður hjá Liverpool að mati Danny Murphy sem lék eitt sinn með liðinu.

Xhaka er 27 ára gamall miðjumaður en hann er oft orðaður við brottför frá Arsenal eftir slæma hegðun á tímabilinu.

Murphy telur að Xhaka myndi henta Liverpool vel og að Arsenal sé hans helsta vandamál.

,,Ef Xhaka væri hjá Liverpool með Jordan Henderson og Fabinho þá myndi hann líta ansi vel út því hann er góður tæknilega og gefur boltann vel frá sér,“ sagði Murphy.

,,Hann er með góðan skotfót og góðan vinstri fót til að opna varnirnar. ­Þegar þú spilar með liði sem er í vandræðum þá er hann farþegi varnarlega og skapar ákveðna hættu.“