Ole Gunnar Solskjær, stjóri Manchester United vill að félagið kaupi Donny van de Beek frá Ajax nú í janúar. Þetta fullyrðir ESPN.
Sagt er að Solskjær pressi hressilega á Ed Woodward, stjórnarformann félagsins að taka upp veskið í janúar.
Solskjær má kaupa leikmenn í janúar en hann vill finna þá réttu. ,,Ef það er ekki rétti maðurinn, þá gerum við ekkert,“ sagði Solskjær.
Talið er að Ajax vilji í kringum 50 milljónir punda fyrir Van De Beek sem er 22 ára hollenskur landsliðsmaður.
Solskjær er einnig sagður vilja fá Hakim Ziyech frá Ajax en vill byrja á Van De Beek, enda miðsvæði United í molum.
