Það eru engar líkur á að þeir Emre Can og Adrien Rabiot séu á förum frá Juventus í janúar.
Þetta segir Fabio Paratici, stjórnarformaður Juventus, en báðir leikmenn fá lítið að spila þessa stundina.
Talið var að leikmennirnir gætu verið á förum í þessum glugga en það er hins vegar ekki rétt.
,,Ég get útilokað það að Emre Can sé á förum, hann verður pottþétt áfram hjá okkur,“ sagði Paratici.
,,Rabiot kom hingað eftir að hafa ekki spilað í átta mánuði. Það er venjulegt að það taki tíma til að venjast. Hann hefur þurft að borga fyrir það en hefur gert vel.“
