Pep Guardiola, stjóri Manchester City, biður stjórn Manchester United um að gefa Ole Gunnar Solskjær meiri tíma.

United hefur ekki verið sannfærandi á tímabilinu undir Solskjær og tapaði 2-0 gegn Arsenal í síðasta leik.

Guardiola hefur þó trú á því sem kollegi hans er að gera og segir hann þurfa meiri tíma.

,,Ég held að hann sé byrjaður að sjá það lið sem hann vill. Síðasti leikur við Arsenal þá töpuðu þeir en það er augljóst hvað hann vill,“ sagði Guardiola.

,,Það er ekki auðvelt að höndla þetta lið, þetta er risastórt lið og það verða kröfur um að þeir verði meistarar í öllum keppnum.“

,,Allir stjórar þurfa tíma og ég held að United muni byrja að spila eins og hann vill.“