Curtis Jones, leikmaður Liverpool, hefur grátbeðið Jurgen Klopp, stjóra liðsins, um að fá tækifæri á tímabilinu.

Jones skoraði sitt fyrsta mark fyrir Liverpool í dag sem tryggði liðinu 1-0 sigur á Everton í bikarnum.

,,Ég reyni bara að fara á völlinn og spila minn leik. Það hefur verið pirrandi stundum að vera á bekknum, fá að prófa völlinn og svo aftur á bekkinn,“ sagði Jones.

,,Ég hef í raun verið að grátbiðja um að fá að koma inná og vonandi sannaði ég mig með marki.“

,,Ég get ekki lýst tilfinningunum. Það er risastórt fyrir mig að fá að vera hluti af þessu liði á hverjum degi og læra af leikmönnunum.“