Jose Mourinho, stjóri Tottenham, hefur afsakað jafntefli sinna manna gegn Middlesbrough í dag.
Tottenham tókst ekki að leggja Boro í enska bikarnum en liðið var án Harry Kane í 1-1 jafntefli.
Mourinho notaði það sem afsökun eftir leik en Kane verður frá næstu vikurnar vegna meiðsla.
,,Strákarnir gerðu það sem þeir gátu, þú getur ekki breytt Lucas eða Heung Min Son í níu eins og Harry Kane,“ sagði Mourinho.
,,Þar til Harry kemur til baka, augljóslega þá söknum við hans á hverri mínútu, þá er það mikill missir fyrir okkur en við verðum að sætta okkur við það.“
,,Við verðum að reyna aðra hluti og það er það sem við gerum. Eins og er þá er ekkert ‘Harry, Harry, Harry, Harry.’ Við erum með það sem við erum með og treystum á það.“
