Schalke í Þýskalandi hefur tekið fyrirliðabandið af markverðinum Alexander Nubel.
Þetta staðfesti félagið í gær en Nubel hefur samþykkt að ganga í raðir Bayern Munchen þann 1. júlí.
Nubel hefur neitað að skrifa undir nýjan samning við Schalke og fer til Bayern á frjálsri sölu í sumar.
Hann var fyrirliði liðsins en eftir þessar fréttir ákvað félagið að svipta hann bandinu.
Einnig er greint frá því að Manuel Neuer sé ekki sáttur með þessi skipti og óánægður með það að Bayern sé að leita að eftirmanni hans.
Neuer er 33 ára gamall en hann verður samningslaus á Allianz Arena árið 2021.
