Paul Bernardoni, leikmaður Bordeaux í Frakklandi, hefur tjáð sig um mál sem er oft rætt um þegar kemur að knattspyrnumönnum.
Sumir knattspyrnumenn eru oft ásakaðir um virðingarleysi með því að hundsa stuðningsmenn bæði fyrir og eftir leiki.
Bernardoni er 22 ára gamall markmaður en hann reynir alltaf sitt besta til að sýna aðdáendum athygli og virðingu.
,,Ég vil aldrei vera með heyrnartól þegar ég stíg út úr liðsrútunni. Þetta snýst um virðingu,“ sagði Bernardoni.
,,Við spilum fyrir almenning og þegar við hittum fólk þá eigum við að geta hlustað á það.“
,,Ég gæti ekki lifað með sjálfum mér ef ég missi af krakka sem biður mig um eiginhandaráritun.“
