Paul Merson, fyrrum stjarna Arsenal, hefur opnað sig aftur um mjög erfiða tíma sem hann hefur upplifað eftir að skórnir fóru á hilluna.
Merson hefur lengi glímt við áfengisvandamál og leið hörmulega fyrir aðeins ári síðan.
Merson íhugaði að taka eigið líf í janúar í fyrra en hann setti þá flöskuna til hliðar og líður mun betur í dag.
,,Á mánudaginn þá hef ég verið edrú í heilt ár. Á sama tíma á síðasta ári þá langaði mig að drepa sjálfan mig,“ sagði Merson.
,,Ég gat ekki haldið áfram, ég sá bara enga leið út. Ég var með töflurnar í hendinni en tók ekki nóg til að það myndi gera mikið. Ég tók þær með vodka sem var óhugnanlegt.“
,,Það var bara vegna barnanna og konunnar sem ég gerði það ekki. Ég var pottþétt líka hræddur, of hræddur til að gera það.“
,,Ég vil ekki binda enda á eigið líf lengur. Ég fæ ekki þessar hugsanir.“
