Það eru veikindi í leikmannahóp Manchester United fyrir leik liðsins gegn Wolves og óvíst er hvort nokkrir leikmenn geti spilað á morgun.
Anthony Martial og Jesse Lingard voru báðir sendir heim af æfingasvæði félagsins í dag eftir stutta heimsókn. Lingard var fyrstur inn um dyrnar um 9:31 í morgun en var sendur heim 9:48. Martial mætti svo 9:55 en var sendur heim 10:10 samkvæmt enskum blöðum.
Báðir léku í tapi gegn Arsenal á nýársdag en nú er óvíst hvort þeir geti spilað.
,,Það eru smá vandræði, það eru veikindi og hiti. Það er eðlilegt á þessum árstíma,“ sagði Ole Gunnar Solskjær.
,,Ég sé hverjir vakna og eru í lagi á morgun, við erum líka með æfingu í dag.“
