Aston Villa á Englandi ætlar að reyna að fá sóknarmanninn Daniel Sturridge í sínar raðir í janúar.
Sturridge spilar í dag með Trabzonspor í Tyrklandi en var fyrir það lengi á mála hjá Liverpool.
Sturridge hefur verið flottur í Tyrklandi eftir að hafa jafnað sig af ökklameiðslum og skoraði tvennu í síðasta leik.
Villa verður án framherjans Wesley í dágóðan tíma en búist er við að hann hafi slitið krossband í gær.
Sturridge er þrítugur að aldri en hann var frábær á sínum tíma með Liverpool áður en meiðsli settu strik í reikninginn.
