Knatt­spyrnumaður­inn Sölvi Geir Ottesen var í gær­kvöld út­nefnd­ur íþróttamaður Vík­ings fyr­ir árið 2019.

Sölvi Geir var fyr­irliði karlaliðs Vík­ings þegar það varð bikar­meist­ari í fyrsta sinn í 48 ár. Sölvi var val­inn besti leikmaður liðsins af bæði leik­mönn­um og stjórn knatt­spyrnu­deild­ar á loka­hófi deild­ar­inn­ar eft­ir tíma­bilið. Hann spilaði alls 24 leiki á tíma­bil­inu og gerði þrjú mörk.

Þetta var annað tíma­bil Sölva Geirs með liðinu síðan hann kom heim úr at­vinnu­mennsku, en á sín­um at­vinnu­manna­ferli lék hann með liðum í Svíþjóð, Dan­mörku, Rússlandi, Kína og Taílandi.

Hann fór út í at­vinnu­mennsku árið 2004 og fyr­ir utan bikar­meist­ara­titil­inn í sum­ar með Vík­ingi hef­ur hann einnig orðið sænsk­ur meist­ari og bikar­meist­ari, tvö­fald­ur dansk­ur meist­ari og bikar­meist­ari, sem og kín­versk­ur bikar­meist­ari.

Aðrir sem voru til­nefnd­ir í kjör­inu eru:
Agnes Brynj­ars­dótt­ir, borðtenn­is
Denn­is van Eijk, hjól­reiðar
Eg­ill Sig­urðsson, tenn­is
Hilm­ar Snær Örvars­son, skíði
Hjalti Már Hjalta­son, hand­knatt­leikur