Thibaut Courtois, markvörður Real Madrid, hefur sent áskorun á liðsfélaga sinn, Gareth Bale.
Bale er oft gagnrýndur fyrir leti á Spáni en hann vill ekki tjá sig mikið á spænsku og hugsar aðallega um golf utan vallar.
Courtois þekkir Bale þó vel og segir að hann tali góða spænsku og að það væri ekkert vesen fyrir hann að tjá sig í viðtali á tungumálinu.
,,Ég held í enskuna með því að tala við Gareth, þó að hann tali betri spænsku en margir halda,“ sagði Courtois.
,,Hann gæti vel svarað fyrir sig á spænsku í viðtali. Ég tala mikið við hann, ég er líka hrifinn af golfi.“
,,Þeir ráðast á hann fyrir sömu hlutina: tungumálið og golf… Ég vil sjá hann taka viðtal á spænsku því hann talar hana mjög vel í búningsklefanum.“
