Paul Scholes, goðsögn Manchester United, segir að það sé varla til betri framlína í Evrópu en sú sem spilar fyrir liðið í dag.

Anthony Martial, Marcus Rashford og Daniel James eru fremstu þrír hjá United og búa yfir miklum hraða.

,,Fremstu þrír eru eins góðir og í hvaða liði eða deild sem er í Evrópu,“ sagði Scholes.

,,Það er þegar þeir nenna því. Þegar Martial keyrir á þig, þegar Rashford keyrir á þig… Daniel James hefur verið frábær og nú er Mason Greenwood að komast inn í þetta.“

,,Það eru bara leikmennirnir fyrir aftan sem valda mér áhyggjum. Við þekkjum gæði Paul Pogba þegar hann er upp á sitt besta, ef viðhorfið er í lagi, einbeitingin – þá er ekki til betri miðjumaður í heiminum.“

,,Allt annað í kringum liðið virðist ekki vera nógu gott.“