Conor Coady, fyrirliði Wolves, var reiður í kvöld eftir leik liðsins við Liverpool sem tapaðist 1-0.

Mark Liverpool var ansi umdeild en boltinn virtist hafa farið í hönd Virgil van Dijk áður en Sadio Mane skoraði.

VAR dæmdi hins vegar ekki brot og er það eitthvað sem Coady getur ekki skilið.

,,Við eigum erfitt með að sætta okkur við þetta. Ég fatta þetta ekki. Þetta var fáránlegt,“ sagði Coady.

,,Að mínu mati þá er þetta ekki að virka. Sumir segja að þeir taki réttar ákvarðanir en við erum á vellinum og þetta er ekki rétt.“

,,Anthony Taylor er frábær náungi til að ræða við en ég spurði hann spurningu og fékk ekkert svar.“

,,Við töldum að Van Dijk hefði notað hendina en dómarinn segir að hann sé of langt í burtu.“