Virgil van Dijk, leikmaður Liverpool, hefur svarað fyrir sig eftir atvik sem átti sér stað í dag.
Boltinn virtist fara í hönd Van Dijk áður en Liverpool komst yfir gegn Wolves í 1-0 sigri á Anfield.
Margir undra sig á því að VAR hafi ekki dæmt markið ógilt eftir nýju reglurnar um þegar knötturinn fer í hönd leikmanns.
,,Ég þarf að sjá þetta aftur, ég man ekki eftir þessu,“ sagði Van Dijk við Sky Sports.
,,Ég heyrði ykkur tala um hendi. Ég hélt að þeir væru að kvarta fyrir hendi á Adam Lallana. Leikurinn er búinn, hvað getum við gert? Markið fékk að standa.“
