David Beckham mun ráða fyrsta knattspyrnustjóra Inter Miami á mánudaginn samkvæmt fréttum erlendis.
Miðlar í Bandaríkjunum segja að Beckham sé búinn að taka ákvörðun um hver mun taka við Inter.
Inter Miami mun leika í MLS-deildinni í fyrsta sinn á næsta ári en það er í eigu Beckham.
Patrick Vieira, David Moyes og Carlo Ancelotti voru orðaðir við liðið en Beckham tók aðra ákvörðun.
Maður að nafni Diego Alonso mun taka við liðinu en hann var síðast hjá Monterrey í Mexíkó.
Alonso var rekinn frá Monterrey í september en hann náði áður góðum árangri með Pachuca.
