Burnley 0-2 Manchester United
0-1 Anthony Martial(44′)
0-2 Marcus Rashford(95′)
Síðasta leik dagsins í ensku úrvalsdeildinni er nú lokið en leikið var á Turf Moor, heimavelli Burnley.
Jóhann Berg Guðmundsson byrjaði á bekknum hjá Burnley en kom inná sem varamaður á 68. mínútu.
Leikur kvöldsins var engin frábær skemmtun en það voru gestirnir sem höfðu betur, 0-2.
Anthony Martial nýtti sér varnarmistök Burnley seint í fyrri hálfleik og skoraði fyrsta mark leiksins undir lok fyrri hálfleiks.
Í blálokin þá skoraði Marcus Rashford svo annað mark United eftir skyndisókn.
United lyfti sér upp í fimmta sæti deildarinnar með sigrinum og er einu stigi á eftir Chelsea sem er í því fjórða.
