Ítalska stórliðið Fiorentina horfir til varnarmannsins Sverris Inga Ingasonar samkvæmt fréttum dagsins.
Sverrir er á mála hjá PAOK í Grikklandi og hefur staðið sig virkilega vel þar síðustu mánuði.
Einn af útsendurum Fiorentina staðfesti það í viðtali við Firenze Viola í dag að Sverrir væri á óskalista félagsins.
Nú styttist í að janúarglugginn opni á ný og mun liðið líklega reyna að fá Sverri til sín á nýju ári.
Sverrir hefur skorað fjögur deildarmörk fyrir PAOK á tímabilinu og er fastamaður í hjarta varnarinnar.
