Wanda Nara, eiginkona og umboðsmaður Mauro Icardi er lítt hrifin af því lofi sem Romelu Lukaku fær hjá Inter. Inter losaði sig við Icardi til að hafa pláss fyrir Lukaku.

Icardi var lánaður til PSG og gert það gott en Lukaku hefur staðið sig með miklum ágætum hjá Inter.

,,Það væri gaman að sjá Lukaku í stórleikjum líka, hann hefur ekki skorað í Meistaradeildinni,“ sagði Nara.

,,Hann horfir á útsláttarkeppnina í sjónvarpi. Icardi skoraði 150 mörk fyrir Inter.“

Þar átti Nara við að Inter væri dottið úr leik í Meistaradeildinni á meðan eiginmaður hennar verður í fullu fjöri með PSG.