Guðjón Þórðarson, var í skemmtilegu spjalli á FM957 fyrir jól þar sem hann fór yfir lífið og tilveruna. Hann ræddi dvöl sína í Færeyjum á þessu ári. Guðjón stýrði NSÍ Runavík með góðum árangri en ákvað að segja upp störfum.

Hvernig kom það til að Guðjón fór til Færeyja? ,,Ég fékk fyrirspurn á Facebook, hvort ég hefði áhuga. Ég hélt að einhver væri að fíflast í mér, ég sagði bara já,“ sagði Guðjón en að lokum var rætt saman í gegnum síma.

,,Svo kom næsta orð og ég sagði aftur já, svo var síminn tekinn upp. Það er margt langt á eftir, þeir gera margt vel. Þeir taka stoltið sitt í Þjóðarleikvangnum, þeir hafa gervigrasvætt allt. Það er fljóðljós á öllum völlum, ég byrjaði úti 4 janúar. Það var vika eða tíu dagar, sem voru erfiðleikar með snjó. Mótið byrjar snemma í mars.“

Guðjón segir að við Íslendingar getum verið stolt af starfi okkar með börnin hér á landi.

,,Þeir geta bætt yngra starfið, ég held að við á Íslandi gerum okkur ekki grein fyrir því hversu gott það starf er. Við megum færa foreldrana aðeins frá, þeir eru komnir aðeins of mikið ofan í þetta. Krakkarnir eru að æfa fyrir sig en ekki foreldrana.“

Guðjón sagðist hafa sótt um landsliðsstarfið hjá Færeyjum, hann hafi fengið áskorun frá formanni sambandins til að gera það. Hann fékk ekki starfið að lokumþ