Manchester United er til í að skipta á Christian Eriksen og Nemanja Matic í janúar ef marka má fréttir í enskum blöðum síðustu vikur. Eriksen er á útsölu í janúar, annars fer hann frítt frá Tottenham næsta sumar.
Eriksen vill ekki gera nýjan samning við Tottenham og því er félagið í vondri stöðu, að skipta á honum og Matic gæti hentað félaginu vel.
Jose Mourinho veit hvað hann fær frá Matic en þeir unnu saman hjá Chelsea og United, Matic er ekki í plönum Ole Gunnar Solskjær.
Ensk blöð segja svo í dag að Eriksen hafi ekki áhuga á að fara til United, hann hafnaði félaginu í sumar og hefur ekki skipt um skoðun.
Sagt er að Eriksen vilji helst fara til Spánar og vonast eftir því að fá tilboð þaðan í janúar.
