Liverpool er heimsmeistari félagsliða eftir leik við Flamengo í úrslitum – leikið var í Katar.
Leikurinn var engin frábær skemmtun en það var lengi markalaust og fengu bæði lið ágætis færi.
Eitt mark var skorað og það gerði Roberto Firmino fyrir þá ensku á 99. mínútu í framlengdum leik.
Liverpool er aðeins annað enska liðið til að vinna þennan titil en það gerðist síðast árið 2008.
Manchester United fagnaði þá titlinum en United var sterkasta lið Englands á þeim tíma.
Liverpool vann Monterrey í undanúrslitum keppninnar og svo Flamengo í úrslitaleiknum sjálfum.
