Mikel Arteta var í gær ráðinn nýr stjóri Arsenal en hann tekur við af Unai Emery sem var rekinn.
Arteta er fyrrum leikmaður Arsenal en hann hefur undanfarið verið aðstoðarstjóri Manchester City.
Spánverjinn mun gera breytingar á þjálfarateymi félagsins og ætlar að ráða einhverja félaga sína til starfa.
Einn af þeim er markmannsþjálfarinn Inaka Cana Pavon sem mun taka að sér stöðu markmannsþjálfara.
Pavon hefur undanfarið starfað hjá Brentford en hann mun að öllum líkindum fylgja Arteta til Arsenal.
Pavon vann áður hjá Nordsjælland í Danmörku og starfaði þar með Rúnari Alexi Rúnarssyni landsliðsmarkverði.
