Unai Emery hefur fulla trú á að Mikel Arteta sé rétti maðurinn til að taka við hjá Arsenal.
Arteta var ráðinn nýr stjóri Arsenal í dag en hann tekur við eftir að hafa verið aðstoðarmaður Pep Guardiola hjá Manchester City.
Emery var sjálfur rekinn frá Arsenal fyrr á tímabilinu og telur að stjórnin hafi kosið réttan arftaka.
,,Hann er tilbúinn að taka næsta skref. Hann hefur verið hjá Arsenal áður og í ensku úrvalsdeildinni og vann með Pep Guardiola,“ sagði Emery.
,,Ég trúi því að þetta sé góð ákvörðun og ég vona að hún sé það.“
