Það er forvitnilegt að skoða hverju var mest leitað að á Google árið 2019, sérstaklega þær niðurstöður sem eru tengdar leitarorðinu Samherji. Á heimsvísu var leitað mest að því orði á Íslandi, í Færeyjum og Namibíu. Í einum af sjö efstu sætunum yfir tengdar niðurstöður er hins vegar platan Kveikur með hljómsveitinni Sigur Rós, sem kom út árið 2013. Eitthvað hefur fólk ruglast á plötunni og sjónvarpsþættinum Kveik, sem afhjúpaði Samherjaskjölin. Þetta er svo sem ekki í fyrsta sinn sem Sigur Rós er bendluð við Samherja, þar sem þingkonan Helga Vala Helgadóttir notaði rannsókn skattyfirvalda á hljómsveitinni sem rökstuðning á af hverju hefði átt að frysta eignir Samherja strax í byrjun.