Freddie Ljungberg, tímabundinn stjóri Arsenal átti að ræða við fréttamenn á fundi í dag. Búið er að fresta fundinum.
Fundurinn fer fram á morgun fyrir leikinn gegn Everton um helgina, í ensku úrvalsdeildinni.
Arsenal vonast til þess að kynna Mikel Arteta, sem nýjan stjóra félagsins áður en fundurinn fer fram á morgun.
Arteta er aðstoðarþjálfari City í dag en hann hefur fundað með Arsenal frá því á sunnudag. Arsenal þarf að semja við City um að losa Arteta frá störfum.
Arteta kvaddi leikmenn City í morgun á æfingasvæðinu. Spænskir miðlar segja að Arteta vilji nú kaupa Antonio Zarzana, 17 ára miðjumann Sevilla.
Það sem vekur athygli er að Antonio Zarzana hefur ekki spilað fyrir aðallið Sevilla en hann á leiki fyrir yngri landslið Spánar.
