Tottenham er tilbúið að selja Christian Eriksen til félags í ensku úrvalsdeildinni í janúar, þetta segir Daniel Levy stjórnarformaður félagsins.

Eriksen hefur neitað að skrifa undir nýjan samning, verði hann ekki seldur í janúar þá fer hann frítt næsta sumar.

Eriksen er sagður á lista Manchester United en félagið vill reyna að styrkja lið sitt í janúar.

,,Við erum ekki hræddir við að eiga í viðskiptum við keppinauta okkar,“ sagði Levy.

,,Ég er með einfalda skoðun í svona máli, hann verður að vilja vera áfram og samningurinn fyrir hann verður að vera réttur. Það er undir leikmanninum komið, hvort hann vilji vera áfram hjá Tottenham.“

,,Ég vil ekki tala um einstaka leikmenn, það er ekki rétt. Það eru leikmenn sem vilja vera áfram og leikmenn sem vilja fara.“