Sergio Busquets, leikmaður Barcelona, var hundfúll í dag eftir 2-2 jafntefli við Real Sociedad.
Fyrsta mark Sociedad kom af vítapunktinum en Busquets segir að Barcelona hafi átt að fá víti í blálokin.
Diego Llorente virtist þá brjóta á Gerard Pique en VAR ákvað að blanda sér ekki í málið og ekkert var dæmt.
,,Ef það þarf svo lítið til að dæma fyrra vítið þá verðuru að gefa miklu fleiri,“ sagði Busquets.
,,VAR þurfti að breyta ákvörðuninni undir lokin. Þetta var svo augljós vítaspyrna fyrir Pique.“
,,Ég held að dómarinn hafi séð það en vildi ekki flauta. Ég veit ekki af hverju VAR blandaði sér ekki í málið.“
,,Ég væri til í að heyra þeirra ástæðu en það mun ekki gerast.“
