Guiseppe Marotta, stjórnarformaður Inter Milan, býst ekki við að Gabriel Barbosa eigi framtíð fyrir sér hjá félaginu.
Gabigol eins og hann er kallaður er hetja Suður-Ameríku þessa stundina eftir magnaða frammistöðu með Flamengo í Brasilíu.
Hann tryggði liðinu sigur í Copa Libertadores nýlega með tveimur mörkum gegn River Plate en hann er aðeins í láni hjá brasilíska félaginu.
Leikmaðurinn kom til Inter fyrir þremur árum síðan og hefur nú skorað 40 mörk fyrir Flamengo á stuttum tíma.
,,Við horfum á Gabigol eins og við horfum á Lautaro Martinez, hann er leikmaður sem bætir sig á hverju ári,“ sagði Marotta.
,,Lánssamningurinn endar í desember og eftir það þá munum við skoða hvað við gerum við hann.“
,,Það er ólíklegt að hann verði hluti af okkar verkefni en hann er með nokkra möguleika og við skoðum það vel með leikmanninum.“
