Kylian Mbappe, leikmaður Paris Saint-Germain, skoraði mark fyrir liðið gegn Galatasaray í kvöld.

PSG vann sannfærandi 5-0 sigur á tyrknenska stórliðinu en var áður búið að tryggja sér sæti í 16-liða úrslitum.

Mbappe er aðeins 20 ára gamall en hann hefur þrátt fyrir það skorað 20 mörk í deild þeirra bestu.

Það er meira en sumir af bestu leikmönnum sögunnar náðu að gera á öllum sínum ferli.

Mbappe er á góðri leið með að verða markahæsti leikmaður í sögu Meistaradeildarinnar enda á hann fjölmörg ár eftir.

Frakkinn er búinn að skora meira en leikmenn á borð við Ronaldinho, Ronaldo de Lima, Carlos Tevez, Francesco Totti og David Villa.

Hann er einnig yngsti leikmaður sögunnar til að afreka það að skora 20 mörk á þessum aldri.