Ashley Young, fyrirliði Manchester United hefur fengið nóg af því að fólk haldi að fugl hafi skitið upp í sig. Atvikið átti sér stað árið 2014.
Frá þeim tíma hefur mikið grín verið gert af Young, atvikið átti sér stað í leik gegn Swansea en Young fullyrðir að skíturinn hafi ekki farið í munn hans.
,,Þetta gerðist ekki. Ég hef sagt það lengi, ég ætlaði alltaf í viðtal um þetta en nennti því svo ekki,“ sagði Young.
,,Þetta var á flugi á samfélagsmiðlum, og gerir það enn. Konan mín og börn snúa sér stundum að mér og segja ´Fuglinn skeit upp í þig´. Það er ekki þannig.“
,,Ef fugl kúkar upp í þig, þá koma viðbrögð. Ég sýni enginn svipbrigði og það sannar það að þetta gerðist aldrei. Svona er þetta, ég veit hvað gerðist.“
