Ian Holloway, fyrrum stjóri Crystal Palace, vonast til að sjá Wilfried Zaha, leikmann liðsins, í Chelsea í janúar.
Chelsea ku hafa áhuga á að fá Zaha í janúar en hann vill komast frá félaginu sem allra fyrst.
,,Ég held að hann yrði frábær hjá Chelsea. Ég vil ekki sjá Palace missa hann en hann verður að fara,“ sagði Holloway.
,,Ég myndi elska það að sjá hann í svona liði. Ég vil ekki gera Palace reiða en ég fylgist með og hann bætir sig endalaust.“
,,Hann er einn af mínum uppáhalds leikmönnum allra tíma, ég hef aldrei séð mann sem getur gert það sem hann gerir.“
