Suður-ameríska hetjan Gabriel Barbosa eða Gabigol vill semja við Liverpool einn daginn til að spila með landa sínum Roberto Firmino.
Gabigol skoraði 34 mörk í 40 leikjum fyrir Flamengo á tímabilinu og tryggði liðinu sigur í Copa Libertadores og í deildinni.
Hann mun líklega snúa aftur til Inter Milan í sumar en þessi 23 ára gamli leikmaður var á láni í heimalandinu.
,,Firmino er frábær og ég dáist mikið að honum. Hann hefur lengi náð árangri í Evrópu,“ sagði Gabigol.
,,Hann er öflugur framherji og hefur verið góður með Brasilíu. Hann er ein af mínum fyrirmyndum sem ég horfi til.“
,,Það væri mikil ánægja að spila með honum. Kannski með Brasilíu og í framtíðinni Liverpool því það er lið sem allir vilja spila fyrir.“
