Það er alls ekki víst að Eden Hazard, leikmaður Real Madrid, nái stórleiknum á Spáni þann 18. desember gegn Barcelona.
Hazard er að glíma við ökklameiðsli þessa stundina en hann meiddist í leik gegn Paris Saint-Germain í Meistaradeildinni.
Meiðslin eru ekki eins alvarleg og í fyrstu var haldið en óvíst er þó að Hazard verði klár eftir tvær vikur.
Það væri áfall fyrir Real en Belginn hefur hægt og rólega verið að sýna sitt rétta andlit í treyju liðsins.
Hazard kom frá Chelsea í sumar fyrir risaupphæð en hefur aðeins skorað eitt mark til þessa.
