Það er búið að reka Marco Silva knattspyrnustjóra Everton en Sky Sports fullyrðir þetta í kvöld.

Everton er í fallsæti eftir 5-2 tap gegn Liverpool í gær og hefur því ákveðið að losa sig við Portúgalann.

Silva náði ágætis árangri með Everton á síðustu leiktíð en það entist ekki lengi og er hann nú farinn.

Everton er aðeins með 14 stig eftir 15 leiki í efstu deild og er í fallsæti sem er óásættanlegt miðað við hóp liðsins.

Gylfi Þór Sigurðsson leikur með Everton en hann hefur oft spilað betur en á þessari leiktíð.

Það verður fróðlegt að sjá hvað Silva gerir næst en hann hefur nú stýrt Hull, Watford og Everton á Englandi.