Naby Keita, leikmaður Liverpool, var sorgmæddur í sumar eftir sigur liðsins í Meistaradeildinni.
Keita staðfesti þetta sjálfur í gær en hann hefur verið í erfiðleikum eftir að hafa samið við félagið.
Meiðsli og óstöðugleiki hafa verið helstu vandamál Keita sem tók ekki þátt í úrslitaleik Meistaradeildarinnar gegn Tottenham.
,,Þetta var ansi erfitt fyrir mig. Það er draumur allra að spila í svona úrslitaleik og það hefði verið frábært fyrir mig,“ sagði Keita.
,,Ég var mjög sorgmæddur og get ekki sagt að það hafi ekki haft nein áhrif.“
