Gary Neville, goðsögn Manchester United, hefur sent leikmönnum Arsenal ansi væna pillu.

Neville var reiður í gær eftir að Unai Emery var rekinn frá Arsenal eftir slæmt gengi á leiktíðinni.

Það er þó ekki bara Emery að kenna að sögn Neville og nefnir hann varnarmenn liðsins sem hafa ekki verið sannfærandi.

,,Við skulum hafa eitt á hreinu, það er ekki hægt að þjálfa þessa varnarmenn,“ sagði Neville.

,,Ég veit ekki hver hefur séð um leikmannakaup Arsenal síðustu 2-3 ár en ef ég væri í stjórninni þá væri ég búinn að sparka þeim burt eftir að hafa séð þetta hrap.“

,,Það er ekki möguleiki á að Emery hafi sagt David Luiz að reyna að spila einhvern rangstæðan tvisvar eða þrisvar eða hina ógeðslegu hlutina sem maður sér frá varnar og miðjumönnunum.“

,,Maður hugsar um Xhaka um daginn. Emery er heiðursmaður og það sést á hvernig hann lætur. Þetta er miklu dýpra en stjórinn.“