Arsenal er nú að leita sér að nýjum knattspyrnustjóra en Unai Emery var rekinn úr starfi í morgun.

Emery stýrði Arsenal í rúmlega eitt og hálft ár en gengið var ekki ásættanlegt fyrir stjórn félagsins.

Emery hefur nú skrifað bréf til stuðningsmanna Arsenal þar sem hann þakkar fyrir sig.

,,Það hefur verið heiður að stýra Arsenal sem aðalþjálfari. Ég vil þakka öllum stuðningsmönnum fyrir að hjálpa mér að skilja hversu frábært félag Arsenal er,“ sagði Emery.

,,Til allra sem studdu okkur víðsvegar um heiminn, til þeirra sem mættu á völlinn og biðu í rigningunni til að heilsa mér eftir leik. Ég vil segja ykkur að ég hef unnið af ástríðu, tryggð og metnað.“

,,Ég hefði ekki viljað neitt meira en að ná í betri úrslit fyrir ykkur. Ég vil einnig þakka öllum starfsmönnum fyrir hvernig komið var fram við mig.“

,,Þetta hefur verið tilfinningaþrungið ár, það komu frábær augnablik og önnur verri augnablik en ég hef aldrei gleymt því hversu heppinn ég var að fá að vinna fyrir þetta félag og með þessum leikmönnum.“

,,Ég hafði upplifað mikið í fótboltanum en ég lærði mikið á Englandi og í ensku úrvalsdeildinni, varðandi virðingu fyrir atvinnumönnum og knattspyrnunni.“