Mauricio Pochettino var rekinn frá Tottenham í síðustu viku eftir fimm ára dvöl hjá félaginu.

Brottreksturinn kom mörgum á óvart en Tottenham komst alla leið í úrslit Meistaradeildarinnar á síðustu leiktíð.

Stjórn félagsins hafði þó ekki þolinmæði fyrir genginu á þessari leiktíð og er Jose Mourinho tekinn við.

Samkvæmt nýjustu fregnum þá náðist brottrekstur Poch á upptöku og gæti það verið sýnt í nýrri heimildarmynd.

Amazon vinnur nú í því að gera heimildarmynd um Tottenham þar sem stuðningsmenn fá að sjá á bakvið tjöldin.

Amazon tekur upp það sem gengur á hjá Tottenham á hverjum degi en myndin er væntanleg á næsta ári.